HKBLOG

VHKL : प्रिय बालमित्रांनो, तुम्ही ज्या जगात आहात, ते आमच्या ७०-८० च्या दशकातील जगापेक्षा खूप वेगळे आहे. त्यावेळी प्रेम व्यक्त करण्याच्या पद्धती वेगळ्या होत्या, पण त्यामागे असलेली भावना निखळ आणि खरी होती. त्या काळात, मोठी माणसे कठोर शिक्षा देत होती, पण त्या प्रत्येक शिक्षेमागे त्यांच्या मुलांच्या उज्ज्वल भविष्याची तळमळ होती. मार खाल्ल्यावर न रडण्याची शिकवण आम्हाला दुःख सहन करण्याची आणि खंबीर बनण्याची प्रेरणा देत होती. वेळेचं महत्त्व न पाळल्याबद्दल मिळणारा मार वेळेची किंमत शिकवून गेला. मोठ्यांचा आदर करणे आणि त्यांच्या अनुभवांचा मान राखणे हे संस्कार आमच्या व्यक्तिमत्त्वाला एक वेगळी ओळख देत होते. वेळेवर काम करणे, जबाबदारीने वागणे, पाहुण्यांचे आदरातिथ्य करणे, संयम राखणे आणि सामाजिक बांधिलकी जपणे यांसारख्या गोष्टी आम्हाला शिकवल्या गेल्या. मिळालेल्या भेटवस्तूंचा मोह न धरण्याची शिकवण आम्हाला निस्वार्थ प्रेम आणि आपुलकीची किंमत शिकवत होती. भौतिक गोष्टींपेक्षा मानवी संबंध आणि भावना किती महत्त्वाच्या आहेत, हे त्या शिक्षणातून आमच्या मनात रुजले गेले. आजच्या जगात प्रेम व्यक्त करण्याच्या पद्धती बदलल्य...

VHKL : मायेचा आधारवड :  शिवसुमन आनंदाश्रम: केवळ वृद्धाश्रम नव्हे, आनंदाचं घर! नाशिक शहराच्या अगदी जवळ, गंगापूरच्या शांत आणि निसर्गरम्य वातावरणात, जिथे हिरवीगार वृक्षराजी आणि मंद वाऱ्याची झुळूक मनाला शांती आणि प्रसन्नता देते, तिथे उभे आहे ‘शिवसुमन आनंदाश्रम’. हे केवळ वृद्धाश्रम नाही, तर ते आहे एका अशा कुटुंबाचं घर, जिथे प्रत्येक ज्येष्ठ नागरिकाला मिळतो आदर, प्रेम आणि सुरक्षिततेचा अनुभव. जुन्या काळात ऐकलेल्या त्या गाण्याची आठवण होते – ‘ऐरणीच्या देवा, आभाळागत माया तुझी, आम्हावर राहू दे...’ खरंच, या आश्रमात प्रवेश केल्यावर याच मायेची आणि आपुलकीची भावना मनात दाटून येते. थरथरत्या हातांना आधार देण्यासाठी, एकाकी जीवनात सोबत देण्यासाठी आणि आयुष्याच्या संध्याकाळी आनंदाचे रंग भरण्यासाठी ‘शिवसुमन आनंदाश्रम’ एक आश्वासक ठिकाण आहे. आधुनिक घरांची व्यवस्था या आश्रमाचं वैशिष्ट्य आहे. प्रत्येक प्रशस्त घराला जोडलेली आहे सुंदर गॅलरी, जिथे बसून निसर्गाचा आणि शांत वातावरणाचा अनुभव घेता येतो. मन प्रसन्न करणाऱ्या या परिसरात ज्येष्ठ नागरिकांना मिळतो हवेशीर आणि आरामदायक निवारा. येथे केवळ राहण्याची सोय नाही, ...

VHKL : ध्येयवेड्या तरुणाचा खडतर प्रवास : जिद्द, साथ आणि स्मार्ट वर्कची त्रिवेणी...! : मित्रहो... एका ध्येयवेड्या तरुणाची ही कहाणी आहे, ज्याने आपल्या स्वप्नांना प्रत्यक्षात उतरवण्यासाठी खडतर प्रवास पत्करला. आजही त्याचे हे ध्येयपूर्तीचे पाऊल अविरतपणे पुढे सरकत आहे. या प्रवासात त्याला अनेक संकटांनी घेरले, पण त्याच्या जिद्दीने आणि पत्नीच्या खंबीर साथीनं प्रत्येक अडचणीवर मात केली. आता त्याच्या या कार्यात त्याच्या मुलाची स्मार्ट वर्कची जोड मिळाली आहे, ज्यामुळे त्याचा मार्ग अधिक सोपा झाला आहे. या तरुणाचा प्रवास एक कॉम्प्युटर ऑपरेटर म्हणून सुरू झाला. आपल्या कामातून ज्ञान आणि अनुभव घेत त्याने डिजिटल क्रिएटर म्हणून नवी ओळख निर्माण केली. फायनान्समध्ये त्याची रुची वाढत गेली आणि तो एक यशस्वी फायनान्सियल एडव्हायझर बनला. पण त्याचे ध्येय इथेच थांबणारे नव्हते. त्याला समाजाला आर्थिकदृष्ट्या सक्षम बनवायचे होते. याच विचारातून त्याने स्वतःची संस्था स्थापन केली. आज त्याची संस्था एका प्रभावी ऑनलाईन प्लॅटफॉर्मच्या माध्यमातून लोकांना आर्थिक साक्षरता आणि आर्थिक उत्पन्न वाढवण्यास मदत करत आहे. या तरुणाचा दृष्टिक...

VHKL :  बाप म्हणजे त्यागाची मूर्ती, कुटुंबाचा आधार. मी बाप म्हणून बोलतोय... मला व्यक्त व्हायचंय... माझ्या प्रत्येक श्वासात माझ्या कुटुंबाचं कल्याण दडलेलं आहे. माझी निष्काम धडपड केवळ माझ्या मुलांसाठी, माझ्या पत्नीसाठी आणि माझ्या वृद्ध आई-वडिलांसाठी असते. दिवसभर उन्हातान्हात खस्ता खाऊन, रात्री घरी आल्यावर थकून चूर झालो असलो तरी, माझ्या मुलांच्या चेहऱ्यावरचा आनंद पाहून सगळा थकवा कुठल्या कुठे पळून जातो. त्यांच्या हास्यातच माझं स्वर्ग आहे. माझं प्रेम हे फक्त लाड करण्यात नाही, तर त्यांना योग्य संस्कार देण्यातही आहे. कधी कठोर व्हावं लागतं, त्यांच्या चुकांवर डोळेझाक करता येत नाही. पण खरं सांगू? त्यांना शिक्षा देताना माझं मनही तितकंच दुःखी होतं. एकांतात बसून मी माझ्या निर्णयांवर विचार करतो, माझ्या मुलांचं भवितव्य माझ्या डोळ्यासमोर नाचतं. अगदी खरं आहे! जीवनरूपी रंगमंचावर आई ही नेहमीच केंद्रस्थानी असते. ती आपल्या प्रेमळ आणि काळजीवाहू स्वभावाने कुटुंबाला एकत्र बांधून ठेवते. तिच्या प्रत्यक्ष उपस्थितीने घरात नेहमी जिव्हाळा आणि आपुलकीचे वातावरण तयार होते. याउलट, वडील पडद्यामागच्या कलाकाराप्रमाणे ...

VHKL : पत्नीमध्ये मला लक्ष्मीची शांत आणि समृद्ध उपस्थिती जाणवते. तिच्या येण्याने घरात केवळ भौतिक भरभराट झाली नाही, तर एक प्रकारची सकारात्मक ऊर्जा आणि आनंद निर्माण झाला आहे. ती घरात शांतपणे वावरते आणि सगळ्यांची काळजी घेते, जणू काही घरात लक्ष्मीनेच वास केला आहे. ती केवळ लक्ष्मी नाही, ती माझी प्रेयसीसुद्धा आहे. तिच्या डोळ्यात आजही मला तेच प्रेमळ आणि उत्सुकतेचे भाव दिसतात, जे आपल्या पहिल्या भेटीत होते. तिच्या स्पर्शात एक जादू आहे, जी माझ्या दिवसाचा थकवा एका क्षणात दूर करते. तिच्यासोबत बोलताना वेळ कसा जातो हे कळत नाही आणि प्रत्येक क्षण एक सुंदर आठवण बनून राहतो. माझ्या पत्नीमध्ये मला एक निष्ठावान मित्रही भेटला आहे. माझ्या मनातल्या सगळ्या गोष्टी मी तिच्यासोबत बोलू शकतो. माझ्या आनंदात ती सहभागी होते आणि माझ्या दुःखात माझ्या पाठीशी खंबीरपणे उभी राहते. कोणतीही भीती न बाळगता मी तिच्यावर पूर्ण विश्वास ठेवू शकतो. सर्वात महत्त्वाचे म्हणजे, तिच्यात मला माझ्या आईची झलक दिसते. माझी काळजी घेणे, मला योग्य वेळी मार्गदर्शन करणे आणि माझ्या चुकांवर प्रेमळपणे पांघरूण घालणे, हे केवळ एक आईच करू शकते. तिच्या त्य...

VHKL : आयुर्वेदाला ४००० वर्षांचा इतिहास आहे, त्यामुळे हे शास्त्र दुय्यम न मानता दैनंदिन जीवनशैलीत त्याचा समावेश केला तर आजार होणारच नाहीत किंवा झालेल्या आजारातून कायमस्वरूपी सुटका होईल. यासाठी आयुर्वेदात सांगितलेले नियम पाळा आणि निरोगी राहा.  कांदा, आलं, लसूण, टोमॅटो, दालचिनी या पदार्थांचा दैनंदिन आहारात समावेश केल्यामुळे शरीरातील चरबी कमी होण्यास मदत मिळते. आहारात मिठाचे प्रमाण जितके कमी करता येईल तेवढे करा. कारण मिठातील सोडियममुळे शरीरात पाण्याचे प्रमाण वाढते आणि लठ्ठपणा वाढतो. रात्री झोपण्यापूर्वी ग्रीन टी किंवा जिरे, ओवा घालून उकळवलेले पाणी प्यायल्याने पचनक्रिया वाढते. ज्यामुळे वजन कमी होण्यास वा नियंत्रित राहण्यास मदत होते. आहारात साखरेचे प्रमाण जितके कमी करता येईल तेवढे करा. साखरेऐवजी गूळ अथवा मधाचा वापर करू शकता. आहारात नियमितपणे दही असेल तर शरीर निरोगी राहील.  पोटाची चरबी कमी करण्यासाठी दररोज सकाळी कच्च्या लसणाची एक पाकळी खाल्यामुळे पोटाचा घेर कमी होण्यास मदत होईल.  अपुऱ्या झोपेमुळेही वजन वाढते. झोप चांगली झाली तर पचनक्रिया वाढते आणि अतिरिक्त चरबी वाढत नाही. योगा...

एचके लर्निंग अँड एनएए : शब्दांवर विश्‍वास ठेवू नका. कारण शब्द मनात भ्रम निर्माण करतात, पण दृश्‍य कधीच खोटं बोलत नाही..! पटकथा, संवाद आणि मांडणीच्या आधारे या चित्रपटात हे पटवूनही देण्यात आले आहे. आजवर प्रदर्शीत झालेल्या चित्रपटांमध्ये सत्याचा विजय आणि असत्याचा पराजय होतो, असे दाखवण्यात आले आहे मात्र या चित्रपटात अगदी उलट घडूनही प्रेक्षकांना चित्रपट खिळवून ठेवतो. हीच खरी दृश्‍यमची जादू म्हणायला हवी. अजय देवगणची मुख्य भुमिका असलेला हा सस्पेन्स, थ्रिलर चित्रपट बॉक्स ऑफिसवर तुफान गाजला होता. पहिल्या चित्रपटाचा क्लायमॅक्स पाहून प्रेक्षक अवाक्‌ झाले होते. आता पुन्हा एकदा सस्पेन्स आणि थ्रिलर असा डबल डोस घेऊन ‘दृश्‍यम-2’ हा स्वीक्वेल प्रेक्षकांच्या भेटीला आला आहे. चला तर मग, दृश्यम-2 वर प्रकाश टाकण्याआधी दृश्यम-1 चा मागोवा घेऊया..! ‘2 अक्तुबर को क्या हुआ था?’ हा प्रश्‍न सिनेप्रेमींना चांगलाच परिचयाचा असेल. 2015 मध्ये प्रदर्शित झालेल्या ‘दृश्‍यम’ या चित्रपटातील तुफान गाजलेला हा डायलॉग..! यावर आजही मीम्स व्हायरल होतात. 31 जुलै 2015 रोजी प्रदर्शित झालेल्या ‘दृश्‍यम’ या चित्रपटाने सस्पेन्स, थ्रिलर,...

एचके लर्निंग अँड एनएए : मानव जन्म हे एक गूढ रहस्य तर आहेच..! परंतु 'देव' म्हणजे नक्की काय? आपल्या आयुष्यात देव एक संकल्पना की सत्याची प्रचिती? आपण नक्की कोण आहोत..?  याचा शोध हजारो वर्षांपासून होतोय. यातून मिळणारे परिणाम म्हणजे देव स्वतःमध्येच आहे, ही संकल्पना मान्य केली गेली आहे. भारतात अनेक घटना अशा घडलेल्या आहेत की त्यावरून  देव ही संकल्पना मान्यच करावी लागते. हाच विषय घेऊन ‘कांतारा’ चित्रपटाची निर्मिती करण्यात आलेली आहे. आजवर निरूत्तर प्रश्‍नांची उकलही या चित्रपटातून होते.   सन 1800 मधील, जगातील सर्व सुख सोयी उपलब्ध असलेल्या भारतातील एका राजाची ही कथा..! प्रजेसाठी राजा आदरणीय..!  राजा सर्वसंपन्न जरी असला तरी आयुष्यात शांतता नसल्याने राजा अस्वस्थ आहे. शांतता प्राप्तीसाठी राजा साधू, संत, योगींकडे धाव घेतो. सर्व शोधांती राजाला जाणीव होते, की आत्मीक शांततेसाठी स्वत:लाच प्रयत्न करावे लागणार आहेत. म्हणून राजा शांतताप्राप्तीच्या शोधात जंगलात निघताे. तेथे राजाला देवाचे दर्शन एका दगडाच्या रूपात होते जो आदिवासी लोकांचे दैवत असतो. तेथील आदीवासींना राजा विनंती करतो, की ...

एचके लर्निंग अँड एनएए : कलाकार आणि त्याने घडवलेली कलाकृती ही त्या  कलाकारासाठी अगदी जीव की प्राण असते. याचे कारण असे की, जसे आई आपल्या बाळाचा संभाळ करते तशीच मानसिकता कलाकाराचीही असते. कारण त्याच्या अंतरंगातून नवनवीन निर्मितीचा जन्म होतो. विविध नवनवीन विषय घेऊन चित्रपटांची निर्मिती होते. त्या निर्मितीसाठी अहोरात्र कष्ट घेतले जातात. मात्र काही कारस्थानांमुळे परिणाम अपेक्षा भंग करतात, कलाकृतीला योग्य न्याय दिला जात नाही. अशा परिस्थितीत कलाकाराची मनस्थिती बिघडते. जबाबदार यंत्रणा आणि व्यक्तींविषयी मनात राग आणि तिरस्कार निर्माण होतो. याचे रूपांतर कशात होऊ शकते याची कल्पनाच न केलेली बरी..! असाच आणि अगदी आजवर फारसा प्रकाशात न आलेला विषय या 'चूप' चित्रपटाच्या निमित्ताने प्रेक्षकांसमोर आला आहे. जो चित्रपट निर्मिती क्षेत्रातील वास्तव्य दर्शवतो.  मर्यादा व अपेक्षा यांच्या सर्व सीमा पार करून कलाकार काय करू शकतो हे या चित्रपटात मांडण्याचा प्रयत्न केला गेला आहे. कथा सुरू होते ती मुंबई या शहरातून..  आज "बॉलिवूड" चा दबदबा जेथे आहे आणि प्रत्येक शुक्रवारी लोक तिकीट काढून नवीन चित्रपटाच...

एचके लर्निंग अँड एनएए : परमेश्वर भूतलावर मानव अवतारात जनकल्याण करतात आणि  हे करताना जे जे घडते ते पुढील पिढीसाठी मार्गदर्शक आणि आदर्श ठरते. भविष्यात याच दंतकथा म्हणून ओळखल्या जातात. ज्याचे समरण संस्कार आणि पौराणिक कथा म्हणून होते. आजही अनेक पौराणिक कथा मानवासाठी आदर्शवत आणि मार्गदर्शक ठरत आहेत.  याच धर्तीवर 'कार्तिकेय 2' या चित्रपटाची निर्मिती करण्यात आली आहे. भगवान श्रीकृष्ण यांच्या  जीवनावर आधारित हा चित्रपट भाविकांच्या भेटीस आला आहे. चला तर मग चित्रपटाविषयी जाणून घेऊ या..!  चित्रपटाची सुरुवात होते ती द्वापारयुग आणि भगवान श्रीकृष्ण यांच्या जीवनापासून..! पुढे चित्रपट वर्तमानात येऊन पोहोचतो. एक प्राध्यापक ग्रीस देशामध्ये एका वाचनालयात भगवान  श्रीकृष्ण यांच्या संदर्भात लेख वाचततात. त्यानंतर त्यांच्या आयुष्यात अडचणींचा प्रवास सुरू होतो. ज्या गुप्त संस्थेमध्ये प्राध्यापक रंगनाथ राव काम करतात त्याच संस्थेचे काही लोक त्यांचा पाठलाग करून त्यांना जीवे मारणार असतात. अशी कोणती माहिती त्यांच्या हात...

एचके लर्निंग अँड एनएए : चित्रपटाची ही दोन वेगवेगळी नावे संभ्रम वाढवणारी आहेत. खरेतर 'रॉकेट्री' आणि 'नंबी' ही दोन्ही नावे एकाच नाण्याची दोन बाजू आहेत. कारण रॉकेट सोबत नंबी हे नाव येणारच. याच संकल्पनेवर आधारित हा एक नवीन शैलीचा चित्रपट आहे. भारताचे प्रसिद्ध वैज्ञानिक, इंजिनीअर आणि पद्मभूषण हा सन्मान मिळविणारे  श्री. नंबी नारायणन यांच्या जीवनावर  आधारित हा चित्रपट आहे.  चित्रपटाची सुरवात होते ती नंबी यांच्या मुलाखतीपासून. बॉलिवूडचा बादशाह शाहरुख खान हा नंबी यांची १० मिनिटांची मुलाखत घेण्यासाठी आलेला असतो. नंबी आपल्या जीवनाची कथा सांगण्यास सुरवात करतात ती त्यांच्या घरापासून. संपूर्ण कुटुंब हे साधेपणाने आयुष्य जगत असतात. एक दिवस पोलीस नंबी यांना अटक करतात. पत्नी व मुले यांना मारहाण करून घरावर दगडफेक केली जाते. या जगप्रसिद्ध वैज्ञानिकाला अटक करण्याची गरज काय? त्यांनी असं काय केल आहे, की ज्यामुळे त्यांना पोलीस कोठडीत डांबून ठेवले? तर याचे उत्तर म्हणजे  देशद्रोह..! आपल्या शेजारील शत्रू राष्ट्राला आपल्या देशातील गोपन...

एचके लर्निंग अँड एनएए : चित्रपट म्हणजे समाजाचा आरसाच म्हणावा लागेल. आपल्या नजरेआड खूप काही घडत असते. तेच समोर आणण्याचे एकमेव माध्यम म्हणजे चित्रपट. अशीच एक हृदयस्पर्शी कथा 777 चार्ली या चित्रपटातून मांडण्यात आली आहे. 777 आणि चार्ली म्हणजे काय?  यांचा  परस्पर  नक्की संबंध तरी काय ?  प्रेम म्हणजे काय, प्रेम कुणावर करावं आणि का करावं? तसेच प्रेमाची खरी परिभाषा काय?  अशा अनेक भाव-भावनांचा उलगडा करणारा हा चित्रपट आहे.  चला तर या चित्रपटावर चर्चा करत मनात निर्माण झालेला गुंता सोडवूया.  या चित्रपटाची कथा फिरते ती 'धर्मा आणि चार्ली' या दोघांच्या भोवती. चार्ली व्यक्ती नसून एक श्वान आहे. आणि धर्मा एक असा व्यक्ती जो स्वतःचे आयुष्य एकटेपणामध्ये जगतो आहे. रोज सकाळी उठणे, सिगरेट पिणे, टी.व्ही. बघणे आणि कंपनीमध्ये कामावर जाणे व घरी परत येतांना इडली घेऊन खाणे आणि झोपणे. असे एक साचेबध्द आयुष्य जगणारा.  धर्मा एकटेपनामुळे त्रस्त आहे. मात्र त्याला आयुष्यात कोणाच्याही आधाराची गरज वाटत नाही. आपण या आयुष्यात एकटेच 'परफेक्ट' आहोत असे धर्मा स...

एचके लर्निंग अँड एनएए : चित्रपट कुठलाही असो, तो का पाहावा? यासंदर्भात चित्रपट निर्माता प्रेक्षकांची मानसिकता आपल्या निर्मितीमध्ये उतरवण्याचा आटोकाट प्रयत्न करतो. काहीतरी प्रेक्षकांसाठी नावीन्य असावे, अशा नवनव्या  कल्पनांना आपल्या सुपीक  डोक्यातुन चित्रपटात मांडण्याचा प्रयत्न करतो. दिग्दर्शक लोकेश कानगराज यांनी विक्रम या चित्रपटाद्वारे विविध भाव-भावनांची निर्मिती प्रेक्षकांसमोर मांडण्याचा यशस्वी प्रयत्न केला आहे. चित्रपट खून याभोवती फिरत असतो. पण का, कोण आणि कशासाठी हे सस्पेन्स प्रेक्षकांची उत्सुकता वाढवणारेच ठरते. चित्रपट पाहताना अंदाज मांडणे एवढेच प्रेक्षकांच्या हाती उरते. प्रत्येक वेळेस अंदाज चुकतात आणि समोर अजून  नवे प्रश्न आणि नवे अंदाज...! चला तर मग, पुढे चित्रपट कसा सस्पेन्स, थ्रिलर, ऍक्शन आणि उत्सुकता वाढविणाऱ्या घटनांनी  भरलेला आहे ते पाहूया..! चित्रपटाची सुरवात होते चेन्नई या शहरातून..!  शहरामध्ये एकापाठोपाठ एक  खुनांचे  सत्र सुरू होते. खून करणारे खून का करत आहोत याचे स्पष्टीकरण एका विडिओद्वारे देत असतात....